यसअघि जुन २० तारिख सोमबारको दिन भएको हमलामा पनि तालिवानले नेपालीमाथि आक्रमणको पूर्वसूचना दिएको खुलासा भएको थियो । तर, त्यो धम्कीलाई क्यानेडियन दूतावास र साब्रे इन्टरनेशनलले लुकाएको थियो । बेलायती लगानीमा संचालित साब्रे इन्टरनेशनल सेक्युरिटीमा कार्यरत नेपालीहरु पुनः तालिवानीको आक्रमणको सूचीमा छन्। स्राबे इन्टरनेशनलले अफगानिस्तानमा धेरै नेपालीलाई रोजगारी दिएको छ ।
गत सोमबारको आक्रमणपछि अफगानिस्तानमा नेपालीहरु कार्यरत कम्पनीमा सुरक्षा सतर्कता बढाइएको छ। अफगानिस्तानमा कार्यरतमध्ये अधिकांश नेपाली पूर्वसुरक्षाकर्मी छन् । उनीहरु नेपालमा सेना, प्रहरी तथा भारतीय सुरक्षाफौजमा जागिर खाएर फर्किएपछि धन कमाउन अफगानिस्तान पुगेका हुन् । नेपालीहरुले अफगानिस्तानको सुरक्षा व्यवस्थामा रक्षाकवचको भूमिका खेलेकाले नेपालीलाई तालिवानीले निशाना बनाउन थालेको बताइएको छ ।
गत सोमबार भएको आक्रमणपछि अफगानिस्तानमा कार्यरत नेपालीहरु निकै तनावमा परेका छन् । खासगरि, अवैधानिक रुपमा त्यहाँ पुगेका कामदारहरु सहजै घर फर्कने अवस्था छैन् । घर फर्कन चाहनेलाई कम्पनीले अनेक झमेला सिर्जना गरिदिएको नाम नबताउने शर्तमा एक नेपालीले बताए । जुम एनपीबाट
एक टिप्पणी भेजें