जिल्ला प्रहरी कार्यालयले सौतेनी आमा र उनका यौन सहकर्मीले यौन सम्बन्ध खुलासा हुने डरले छोराको हत्या गरेको जनाएको छ ।
इरिबाङ १ ओगाउँका बिमला पुनमगर र स्थानिय गोविन्द पुनमगरले १४ वर्षीय बालक भरत पुनमगरको हत्या गरेका हुन ।
अभियुक्तहरुले बालकको घाँटीमा डोरी कसी घाँटी थिचेर हत्या गरेको प्रहरी अनुसन्धानबाट खुल्न आएको छ । अभियुक्तहरुले बालकले झुण्डिएर आत्महत्या गरेको बहाना बनाउन खोजेको जिल्ला प्रहरी कार्यालयका प्रहरी प्रवक्ता केशवबहादुर बस्नेतले जनाएका छन् ।
बिमला र गोविन्दबीच गत पुसदेखि अनैतिक यौन सम्बन्ध रहेको प्रहरी अनुसन्धानबाट खुल्न गएको छ । बालकमार्फत उनीहरुबीचको सम्बन्ध बाहिर आउने देखिएपछि हत्या गरिएको अभियुक्तहरुले प्रहरीसमक्ष बयान दिएका छन ।
बालकका बुबा वीर सिंह भने वैदेशिक रोजगारीको सिलसिलामा कतारमा छन् । आफूहरुबीचको यौन सम्बन्ध बालकले बुबालाई भनी दिने डरले हत्या गरिएको उनीहरुले प्रहरीसमक्ष स्विकार गरेका छन् ।
उक्त घटनाबारे स्थानीयले प्रहरीलाई जानकारी गराएका थिए ।
एक टिप्पणी भेजें