यातना दिएको अभियोगमा मुद्दा खेपिरहेका कर्णेल लामाले लन्डनस्थित सेन्ट्रल क्रिमिनल कोर्टमा मुद्दाको सुनुवाइ जारी रहँदा बयान दिन इन्कार गरेका हुन् । आफ्नो वकिल मार्फत बयान दिन उनले इन्कार गरेका बताइएको छ ।
गत महिना देखि लामाका मुद्दाको विषयमा १२ सदस्यीय जुरीले सुनुवाइ गरिरहेको छ । जारी सुनुवाइमा अभियोजन पक्षबाट विज्ञ तथा साक्षीहरुले अदालत समक्ष बयान दिइसकेका छन् ।
सन् २००५ मा कपिलवस्तुको गोरुसिंगेस्थित एक सैनिक व्यारेकमा थुनामा रहेका दुई सर्वसाधारणलाई चरम यातना दिएको अभियोगमा कर्णेल लामा सन् २०१३ मा बेलायतमा पक्राउ परेका थिए ।
दक्षिण सुडानस्थित राष्ट्रसंघीय मिसनमा कार्यरत रहेकै बेला छुट्टीमा परिवार भेट्न बेलायत आउँदा पक्राउ परेका लामा समातिएको अढाइ महिनापछि धरौटीमा रिहा भएका थिए । हाल उनलाई बेलायत छोड्न प्रतिबन्ध लगाइएको छ ।मिडिया एनपी,बाट
एक टिप्पणी भेजें