परासी, साउन ७ । अविरल वर्षासँगै नवलपरासीको झरही र रावण खोलामा आएको बाढीले परासी बजार डुबानमा परेको छ ।
गएराति परासीमा बाढी आएपछि सर्वसाधारण त्रसित भएका छन् । बाढीले शहर नै डुबानमा पारेपछि स्थानीयबासिन्दा रातभर घरको छतमा चढेर बसेका थिए ।
सरकारी कार्यालयसमेत पूर्णरुपमा डुबानमा परेका छन् । कार्यालयका कागजपत्र, कम्प्युटरलगायतका सामाग्री डुबेका छन् ।
सडकसमेत जलमग्न हुँदा सवारी आगमनमा समेत अवरोध पुगेको छ । बाढी अझै नरोकिएको प्रहरीले जनाएको छ । बजार क्षेत्र डुबानमा परेपछि नेपाल प्रहरी, नेपाली सेना र सशस्त्र प्रहरीलाई उद्धारमा खटाउने तयारी भइरहेको प्रमुख जिल्ला अधिकारी महादेव पन्थले बताए ।
रातको समयमा डुबान भएका कारण क्षतिको विवरण भने आईनसकेको पन्थले बताए ।
एक टिप्पणी भेजें