नेकपा माओवादी केन्द्रले समर्थन फिर्ता लिएपछि शुक्रबार विहान प्रधानमन्त्री केपी शर्मा ओलीको अध्यक्षतामा बसेको मन्त्रिपरिषद बैठकले झुठो विवरण दिई नेपाली नागरिकता लिने भारतीय नागरिक मतौवा कुर्मी, नन्दकिशोर कुर्मी, रामानन्द कुर्मी र रामचरित्र कुर्मीको नागरिकता खारेज गरेको हो ।
उनीहरुले बाँके जिल्ला प्रशासन कार्यालयबाट नेपाली नागरिकता लिएका थिए । बैठकले उनीहरुलाई नागरिकता दिनेमाथि छानविन गरी कारवाही गर्ने निर्णय पनि गरेको सरकारका प्रवक्ता एवं सूचना तथा सञ्चारमन्त्री शेरधन राईले जानकारी दिए ।
समर्थन फिर्ता लिएर नेकपा माओवादीले सरकारविरुद्ध अविश्वासको प्रस्ताव समेत दर्ता गराइसकेका बेला ओली सरकारले भारतीयको नागरिकता खारेज गर्दै विभिन्न निर्णयहरु समेत गरेको छ ।
यसअघि पनि ओली सरकारले धेरै भारतीयको नागरिकता खारेज गरिसकेको छ ।
एक टिप्पणी भेजें