सदाबहार स्वस्थ र जवान रहन चाहानुहुन्छ ?.... नाङ्गै सुत्नुस्.

काठमाडौँ । मानिसले पछिल्लो समय स्वस्थ रहन हर तरहका उपायहरु अपनाउन थालेको छ । खाँदा बस्दा होस् वा सुत्दा समेत आफ्नो स्वास्थ्यका बारेमा जो कोही पनि जागरुक हुन थालेका छन् । यती हुँदा हुँदै पनि स्वस्थ रहनका लागी हामी कहीँ न कहीँ साना कुराले चुक्ने गर्दछौँ । साना साना कुरामा जो हामीले सहजै अबलम्बन गर्न सक्छौँ त्यस्ता कुरालाई हामीले बिर्सी रहेका हुन्छौँ ।

हामीले खाने, हिड्ने, बस्ने, सुत्ने हरेक कामबाट हाम्रो स्वास्थ्यलाई प्रत्यक्ष रूपमा प्रभाव पारिरहेको हुन्छ । स्वास्थ्यलाई प्रभाव पार्ने कामका रूपमा सुत्ने कामलाई पनि लिन सकिन्छ । हाम्रो सुत्ने तरिकाले पनि स्वास्थ्यमा प्रभाव पार्छ । सुत्ने बेलामा गर्ने काममा लुगा फुकालेर सुत्ने कामले पनि मानिसको स्वास्थ्यलाई प्रभाव पार्ने विज्ञहरूको भनाई छ । लुगा फुकालेर सुत्ने गर्नाले विभिन्न फाइदाहरू हुने तथ्य विभिन्न अनुसन्धानबाट पत्ता लागेका छन् ।

यसै क्रममा अष्ट्रेलियाली अध्ययनकर्ताले नांगै सुत्नका फाइदाबारे केही तथ्यहरु सार्वजनिक गरेका छन् । उनीहरूको दाबीअनुसार लुगा फुकालेर नांगै सुत्दा धेरै फाइदा पुग्ने गरेको छ । जस्तै नाङ्गै सुत्दा शरीरको तापक्रम र कोठाको तापक्रम समानान्तर हुन्छ । यसरी समानान्तर तापक्रमले शरीरमा एन्टी एजिङ हर्मोनको वृद्धि हुन्छ । यसले मानिसको छालालाई मुलायम बनाएर जवान देखीन मद्धत गर्छ ।

त्यस्तै लुगाविहीन अवस्थामा सुत्दा यौनजीवनमा समेत सकारात्मक प्रभाव पर्छ । आपसमा टाँसिएर सुत्दा छाला–छाला सम्पर्कले शरीरमा अक्सिटोसिनको स्तर बढ्छ । जुन यथोचित यौनजीवनका लागि उपयुक्त हुन्छ । यसरी सुत्दा ६ घन्टाभन्दा बढी निदाउन सकिन्छ । नियमित ६ घन्टा सुत्दा हृदयाघात, मधुमेह, डिप्रेसनलगायत जोखिमबाट टाढा रहन मद्दत पुग्छ ।

नाङ्गै सुत्दा अनिद्राको समस्याबाट छुटकारा पाउन सकिन्छ । नांगै सुत्दा शरीरको तापक्रम नियन्त्रित हुन्छ । यसले गहिरो निद्राका लागि सघाउ पुर्‍याउँछ । राति बारम्बार बिउँझने समस्याबाट मुक्ति मिल्छ । एजेन्सीको सहयोगमा